සැගවුණු අපේක්ෂිකාව ශිරන්තිද?

0
756
- Advertisement -
Share

ශ්‍රී ලංකා පොදුජන පෙරමුණ ප්‍රමුඛ කණ්ඩායමේ මීළග ජනාධිපති අපේක්ෂකත්වයට සුදුස්සන් ලෙස නම් කර ඇතැයි කියන පුද්ගලයන් පස්දෙනා අතරින් සිව්දෙනෙකුගේ නම් මොනවාදැයි විවිධ තැන්වලදී එම කණ්ඩායමේ සමාජිකයන් සාකච්ඡා කර ඇතත්, යෝජිත නම් අතරින් එක් නාමයක් ප්‍රකාශයට පත් නොකර ඉතා තදින් ආරක්ෂා කිරීමේ ප්‍රතිපත්තියක ඒකාබද්ධ විපක්ෂයේ නායකයන් සිටින බව වාර්තා වෙයි.

එය ශිරන්ති රාජපක්ෂගේ නම විය හැකි බවට මත පළ වී තිබේ. ඒකාබද්ධ විපක්ෂයේ පක්ෂ නායකයන් අතර පැවති රැස්වීමකදී ජනාධිපති අපේක්ෂකත්වය සදහා සුදුස්සන් පස්දෙනෙකුගේ නම් යෝජනා වී ඇත.

ඒ අතරින් එක නමක් මහින්ද රාජපක්ෂ තෝරාගත යුතු බවට එකග වී ඇත. මීට පෙර සිටම ප්‍රසිද්ධියේ කතාබහට ලක්වී ඇති පුද්ගල නාමයන් වන ගෝඨාභය රාජපක්ෂ, චමල් රාජපක්ෂ, දිනේෂ් ගුණවර්ධන හා කුමාර වෙල්ගම ඒ අතර සිටින බව මේ වන විට ඒකාබද්ධ විපක්ෂයේ මන්ත්‍රීවරුන්ගේ කතාබස්වලදි කියැවී ඇත.

ඉහත කී නම් හතරම දැඩි එකගතාවයකින් රහසක් ලෙස ආරක්ෂා කරගත යුතු නොවන, ජනාධිපති අපේක්ෂකත්වයට අදාලව සමාජයේ කතාබහට ලක්වී ඇති පුද්ගලයන්ගේ නම් වන නිසා, දැඩි එකගතාවට හේතුව පස්වැනි පුද්ගල නාමය විය හැකි බව ඉහත රැස්වීමට සහභාගී නොවූ ඒකාබද්ධ විපක්ෂ මන්ත්‍රීවරුන්ගේ අදහස වී ඇත.

එම පස්වැනියා ලෙස එකාබද්ධ විපක්ෂ මන්ත්‍රීවරුන් වැඩි පිරිසක් අනුමාන කරන්නේ විපක්ෂ නායක මහින්ද රාජපක්ෂගේ බිරිද වන ශිරන්ති රාජපක්ෂයි.

LEAVE A REPLY

Please enter your comment!
Please enter your name here

2 × five =