වරාය සේවකයන් 60 කට කොරෝනා. තවත් 200 ක් නිරෝධායනයේ. එන නැව් දකුණු ඉන්දියාවට හරවා යවයි.

0
279
- Advertisement -

වරාය සේවකයන් 60 කට කොරෝනා.
තවත් 200 ක් නිරෝධායනයේ.
එන නැව් දකුණු ඉන්දියාවට හරවා යවයි.

කොළඹ වරායට අනුයුක්තව සේවය කරන 60 දෙනෙකු, කොරෝනා ආසාදිතයන් බව මේ වන විට තහවුරු වී තිබේ. එම පිරිස සමග සමීප සම්බන්ධතා ඇති තවත් වරාය සේවකයන් දෙසීය දෙනෙකු පමණ, නිරෝධායනයට යොමු කර තිබෙන බව ද වාර්තා වේ.

එමෙන්ම, කොළඹ වරායේ සේවයට පැමිණෙන සේවකයන්ගෙන් 55% ක් පමණ පැමිණෙන්නේ, වසංගතයේ බලපෑමට වැඩියෙන්ම ලක්ව තිබෙන ගම්පහ දිස්ති‍්‍රක්කයෙන් සහ කොළඹ වරායට ආසන්න, කොළඹ දිස්ත‍්‍රික්කයේ අධි අවධානම් කළාප ලෙස නම් කර තිබෙන ප‍්‍රදේශවලිනි.

මේ සියළු කාරණා මත කොළඹ වරායේ මෙහෙයුම් කටයුතු සාමාන්‍ය ප‍්‍රමාණයට වඩා විශාල ප‍්‍රතිශතයකින් කඩා වැටී ඇති බව වාර්තා වේ.

මෙහෙයුම්කටයුතු නිසිපරිදි සිදු කිරීමට අපොහොසත් වීම හේතුවෙන්, වරායට පැමිණි නැව් 4 කට ආසන්න සංඛ්‍යාවක් දකුණු ඉන්දියාව බලා හරවා යවා ඇති බව මාධ්‍ය වාර්තා කරයි.
ඊට අමතරව තවත් නැව් පහළොවක් පමණ, වරාය තුළ සිරව ඇති බව ද පැවසේ.