“රටේ ප්‍රධානතම ළමා රෝහලේ රෑ 10.00 වන විට ශල්‍ය වෛද්‍යවරයෙක් නෑ.” ජ්‍යේෂ්ඨ ශල්‍ය වෛද්‍ය ෂෙරෆ්ඩීන්.

2
424
- Advertisement -

රටේ ප්‍රධානතම ළමා රෝහලේ
රෑ 10.00 වන විට ශල්‍ය වෛද්‍යවරයෙක් නෑ.
ජ්‍යේෂ්ඨ ශල්‍ය වෛද්‍ය ෂෙරෆ්ඩීන්.

ශ්‍රී ලංකාවේ සුප්‍රසිද්ධ ජ්‍යේෂ්ඨ ශල්‍ය වෛද්‍යවරයෙකු වන මහාචාර්ය ඒ.එච් ෂෙරෆ්ඩීන් මහතා විසින්, ශ්‍රී ලංකා ශල්‍ය වෛද්‍යවරුන්ගේ සංගමයට ලිපියක් යොමු කර තිබේ.

මහාචාර්යවරයාගේ එම ලිපිය, මාධ්‍යවේදී සමන් පුෂ්ප ලියනගේ විසින් පරිවර්තනය කර, අද දිනපතා ලංකාදීප පුවත්පතේ පළ කර තිබේ.

විශේෂඥ වෛද්‍යවරයාට මුණ ගැසුණු, ඇපෙන්ඩිසයිටීස් රෝගයෙන් පෙළුන දරුවෙකු එම වෛද්‍යවරයා විසින් ලංකාවේ ප්‍රධානතම ළම රෝහල වන රිජ්වේ ආර්යා ළමා රෝහලට යොමු කර තිබේ.

පෞද්ගලික රෝහලකින් ප්‍රතිකාර ලබා ගැනීමට තරම් අදාල දරුවාගේ දෙමව්පියන්ට වත්කමක් තිබී නැත.

දරුවා, රිජ්වේ ආර්යා ළමා රෝහලට ඇතුළත් කිරීමෙන් පසුව, රාත්‍රී 7.30 ට පමණ දරුවාගේ පියාගෙන් වෛද්‍යවරයාට ඇමතුමක් ලැබී තිබේ. දරුවාගේ උණ්ඩුක පුච්චය පුපුරා ගොස් ඇති බව වෛද්‍යවරු පවසන බවත්, දරුවාට ශල්‍ය කර්මයක් සිදු කළ යුතුව ඇති නමුත්, රෝහල තුළ කිසිදු ශල්‍ය වෛද්‍යවරයෙකු නැති බවත්, එම වෛද්‍යවරු පවසන බවත් දරුවාගේ පියා, විශේෂඥ වෛද්‍ය ෂෙර්ෆ්ඩීන්ට දැනුම් දී තිබේ.

රිජ්වේ ළමා රෝහලේ වෛද්‍යවරු, මේ ඇතිව තිබෙන තත්ත්වයට කිසිදු පිළියමක් එම පියාට ඉදිරිපත් කර නැත.

මේ සිදුවීම සම්බන්ධයෙන් විශේෂඥ වෛද්‍ය ඒ.එච් ෂෙරෆ්ඩීන් මහතා මහත් සේ කණස්සල්ලට පත්ව තිබේ.

රටේ ප්‍රධානතම ළමා රෝහල තුළ දී, උණ්ඩුක පුච්චය පුපුරා යෑම නිසා, වයස අවුරුදු 10 ක දරුවෙක්ට මිය යාමට සිදු වන්නේ නම්, එය කුමනාකාරයේ තත්ත්වයක් දැයි, වෛද්‍යවරයා ප්‍රශ්න කරයි. එම රෝහල තුළ සේවය කරන ශල්‍ය වෛද්‍යවරුන් සම්බන්ධයෙන් වූ කණස්සලකින් යුතුව විශේෂඥ වෛද්‍යවරයා මෙම ලිපිය ලියා ඇති බව පෙනේ.

කෙසේ වෙතත්, මෙම සිද්ධියට අදාල දරුවාගේ ජීවිතයට හානියක් වී නැති බව, වෛද්‍යවරයාගේ ලිපියෙන් පැහැදිලි වේ.