මඩකලපුව ගුවන්තොටුපළ ඡාත්‍යන්තර ගුවන්තොටුපළක් කිරිමට ඉන්දිය රජයේ සහාය – ප්‍රසන්න රණතුංග

0
375
- Advertisement -

මඩකලපුව ගුවන්තොටුපළ  ඡාත්‍යන්තර ගුවන් තොටුපළක් ලෙස සංවර්ධනය කිරිමට ඉන්දීය රජයේ පූර්ණ සහාය පලව ඇතැයි කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා සඳහන් කරයි.

මෙරට ඉන්දිය මහාකොමසාරිස් තරංජිත් සිං මහතා සහ තමා අතර පැවති සාකච්ඡාවකදි මේ සම්බන්ධයෙන් අවධානය යොමු වු බව රණතුංග මහතා කියා සිටී.

ඉන්දියානු රජය සිය ගුවන් ගමන් සේවා මඩකලපුව ගුවන් තොටුපළ දක්වාද සිදු කිරීමට කැමැත්තෙන් සිටින බව ඇමතිවරයා කියා සිටියේ ය. දැනට ඉන්දීය ගුවන් ගමන් කටුනායකට හා යාපනය පලාලි ගුවන් තොටුපළ  දක්වා සිදු කෙරේ.

මඩකලපුව ගුවන්තොටුපළ  1958 දි සිවිල් ගුවන් සේවා දෙපාර්තමේන්තුව විසින් ආරම්භ කරන ලද්දකි. රටේ පැවති වාතාවරණය අනුව 1983 මාර්තු 27 වන දින ශ්‍රී ලංකා ගුවන් හමුදාව මෙම ගුවන් තොටුපළ  භාරගෙන ඇති අතර පසුව එය ශ්‍රි ලංකා ගුවන් හමුදාවට අයත් කඳවුරක් ලෙස ද පවත්වාගෙන ගියේය.

2018 මාර්තු 25 වන දින මෙය නැවත සිවිල් ගුවන් සේවා කටයුතු සඳහා විවෘත කෙරිණ. දැනට දෛනිකව පෙ.ව 08.00 සිට සවස 06.00 දක්වා මඩකලපුව ගුවන් තොටුපළේ අභ්‍යන්තර ගුවන් ගමන් ක්‍රියාත්මක වේ.

මඩකලපුව ගුවන් තොටුපළ  ඡාත්‍යන්තර ගුවන් තොටුපළක් ලෙස දියුණු කිරිම සදහා ගත යුතු ක්‍රියාමාර්ග හා එම ගුවන් තොටුපළේ දියුණු කළ යුතු අංශ පිළිබද වාර්තාවක් ඇමති ප්‍රසන්න රණතුංග මහතා දැනටමත් ගුවන් සේවා අධිකාරියෙන් ඉල්ලා ඇත.

LEAVE A REPLY

Please enter your comment!
Please enter your name here

ten + three =