ඇවන්ගාඩ් අධිපතියන් අත්අඩංගුවට ගැනීමට නියෝග

0
527
- Advertisement -
Share

විශ්‍රාමික මේජර් ජෙනරාල් පාලිත ප්‍රනාන්දු සහ නිශ්ශංක සේනාධිපති යන දෙදෙනා අත්අඩංගුවට ගෙන අධිකරණයට ඉදිරිපත් කරන්නැයි කොළඹ මහාධිකරණ විනිසුරු ශෂී මහේන්ද්‍රන් මහතා අද නියෝග කළා.

ඒ, පාවෙන අවි ගබඩාවක් පවත්වාගෙන යාමට ඉඩ දීම සඳහා ඇවන්ගාඩ් මැරිටයිම් සර්විසස් සමාගමෙන් රුපියල් ලක්ෂ 355ක අල්ලසක් ලබා ගැනීම සහ රුපියල් ලක්ෂ 355ක අල්ලසක් ලබා දීම ඇතුළු චෝදනා යටතේ අල්ලස් හෝ දූෂණ විමර්ශන කොමිෂන් සභාව විසින් විත්තිකරුවන්ට එරෙහිව පවරා ඇති නඩුව අද කැඳවූ අවස්ථාවේදී.

නඩුව අද කැඳවූ අවස්ථාවේ එම විත්තිකරුවන් දෙදෙනා අද අධිකරණය හමුවේ පෙනී සිටියේ නැති අතර විත්තිකරුවන් වෙනුවෙන් පෙනී සිටි ජනාධිපති නීතිඥ ගාමිණි මාරපන මහතා කරුණු දක්වමින් කියා සිටියේ, දෙවැනි විත්තිකාර නිශ්ශංක සේනාධිපති මහතා සිංගප්පූරුවේ වෛද්‍ය ප්‍රතිකාර ලබන බව සහ පළමු විත්තිකාර පාලිත ප්‍රනාන්දු මහතා වෙනත් නඩුවක් සම්බන්ධයෙන් අත්අඩංගුවට ගෙන රක්ෂිත බන්ධනාගාරගත කර ඇති බවයි.

ඔවුන් අත්අඩංගුවට ගැනීමට විනිසුරුවරයා නියෝග කළේ ඒ බව සනාථ කිරීමට අවශ්‍ය ලේඛන අධිකරණයට ඉදිරිපත් නොකිරීම කෙරෙහි අවධානය යොමු කරමින්.

එම විත්තිකරුවන් දෙදෙනාගේ ඇපකරුවන්ට ලබන 7 වන දා අධිකරණය හමුවේ පෙනී සිටින්නැයි දන්වා නොතීසි නිකුත් කිරීමට ද විනිසුරුවරයා නියෝග කළා.

LEAVE A REPLY

Please enter your comment!
Please enter your name here

three × 2 =